Dialäkt: Züridütsch (See) |
De Rudolf Minger (* 13. November 1881 z Mülchi; † 23. August 1955 z Schüpfe BE) isch en Schwiizer Politiker gsii und hät dr Buure-, Gwerb- und Bürgerpartei (BGB) aaghört. Vor siinere Wahl in Bundesrat isch er hauptbruefliche Landwirt gsii.
Er isch am 12. Dezember 1929 in Bundesrat gwählt worde und hät siis Amt am 31. Dezember 1940 übergeeh. Während siinere Amtsziit isch er em Militärdepartement vorgschtande und isch drüber use en Fründ vom General Henri Guisan gsii.
Er isch Bundespräsident gsii im Jahr 1935 und Vizepräsident i de Jahr 1934 und 1940.
De Rudolf Minger isch Landwirt gsii und hät über kei höcheri Schuelbildig verfüegt. Zahlriichi Witz händ ihm (und siinere Frau) mangelhafti Kenntnis vo dr französische Schprach underschtellt. Trotz siinere ziitwise Nazi-Sympathie isch er in gwüssne Chreise au hüt no populär.